Elegiae

←

Elegiae Tibullus

Bölümler

Şiir 1 1–78 Şiir 2 1–100 Şiir 3 1–94 Şiir 4 1–84 Şiir 5 1–76 Şiir 6 1–86 Şiir 7 1–64 Şiir 8 1–78 Şiir 9 1–84 Şiir 10 1–68 Şiir 1 1–90 Şiir 2 1–22 Şiir 3 1–80 Şiir 4 1–60 Şiir 5 1–122 Şiir 6 1–54 Şiir 1 1–28 Şiir 2 1–30 Şiir 3 1–38 Şiir 4 1–96 Şiir 5 1–34 Şiir 6 1–64 Şiir 7 1–211 Şiir 8 1–24 Şiir 9 1–24 Şiir 10 1–26 Şiir 11 1–20 Şiir 12 1–20 Şiir 13 1–10 Şiir 14 1–8 Şiir 15 1–4 Şiir 16 1–6 Şiir 17 1–6 Şiir 18 1–6 Şiir 19 1–24 Şiir 20 1–4 Şiir dm 1–4

Şiir 12

Natalis Iuno, sanctos cape turis aceruos,

quos tibi dat tenera docta puella manu;

tota tibi est hodie, tibi se laetissima compsit,

staret ut ante tuos conspicienda focos.

Illa quidem ornandi causas tibi, diua, relegat; 5

est tamen, occulte cui placuisse uelit.

At tu, sancta, faue, neu quis diuellat amantes,

sed iuueni, quaeso, mutua uincla para.

Sic bene compones: ullae non ille puellae

seruire aut cuiquam dignior illa uiro. 10

Nec possit cupidos uigilans deprendere custos

fallendique uias mille ministret Amor.

Adnue purpureaque ueni perlucida palla:

ter tibi fit libo, ter, dea casta, mero;

praecipit et natae mater studiosa, quod optat: 15

illa aliud tacita iam sua mente rogat;

uritur, ut celeres urunt altaria flammae,

nec, liceat quamuis, sana fuisse uelit.

Sis iuueni grata ac, ueniet cum proximus annus,

hic idem uotis iam uetus exstet amor. 20

← Önceki bölüm Şiir 12 · 1 / 1 Sonraki bölüm →